← 返回主頁
Nous Research · MIT 開源 · 2026
如何在 Oracle VM 免費部署 Hermes Agent
OCI Free Tier ARM 實戰 · 2 vCPU / 12GB RAM 永久免費（2026-06-15 起）· systemd 24/7 運行
零成本嘅雲端 AI Agent，所有踩坑已經替你踩平
⚡ 本指南以 2026-08-01 實測為準。所有資源必須維持喺「Always Free」額度內，超出會收費。
0 點解要咁部署（架構概覽）
Hermes Agent 係 Nous Research 開發嘅開源 AI Agent 框架（MIT 協議）——喺終端度讀檔案、寫程式碼、執行命令、操控瀏覽器，唔綁定任何模型廠商，仲內建 Telegram Gateway。放喺 Oracle 永久免費 VM 上，就變成 24/7 唔斷線嘅雲端 AI Agent。
Telegram 訊息→
Hermes Gateway→
DeepSeek API→
AI 回覆→
Telegram 聊天
systemd 服務管理：開機自啟、崩潰自動重啟、斷開 SSH 都照常運行。
💰
永久免費
ARM 2 vCPU + 12GB RAM + 200GB 磁碟（2026-06-15 起），唔使信用卡長期扣費
🔄
模型自由
DeepSeek / OpenAI / Anthropic / Google 任揀，換供應商改 config 就得
💬
Telegram 原生
內建 Gateway，一條 systemd 服務即 24/7 自動回覆
🖥️
零運維焦慮
崩潰自動重啟 + journald 日誌 + 遠端備份，瞓覺都唔使理
1 註冊 Oracle Cloud Free Tier 帳號
前往註冊頁面
https://signup.cloud.oracle.com/
填姓名、電郵、國家/地區。
揀 Home Region 關鍵
務必揀支援 Ampere ARM 實例嘅區域（Home Region 之後唔改得）：
Osaka / Tokyo / Paris / Frankfurt / Ashburn / Phoenix 都支援。
Home Region 揀錯咗就冇 ARM 實例 — 呢個決定咗你之後有冇 2 vCPU 免費機用。
信用卡驗證
要提供有效信用卡或扣帳卡。Oracle 會暫時扣約 $1 美元驗證，幾日後退還。唔接受虛擬卡或預付卡。
等啟用
通常幾分鐘至幾小時。收到啟用郵件即可登入 cloud.oracle.com。
⚠️ 免費唔等於無限：資源超出「Always Free」限制會產生費用。建議升級做 Pay-As-You-Go（仍 $0，但容量不足時可以解決，亦係免費 ARM 搶唔到容量嘅解藥）。
2 建立 OCI 運算實例（VM）
開建立頁面
OCI Console → Compute → Instances → Create Instance。區域應顯示「Always Free-eligible」標籤。
揀映像檔
Change image → 揀 Ubuntu 22.04 LTS 或 24.04 LTS。
揀實例規格 ARM Ampere 推薦
| 方案 | 規格 | 建議 |
|---|
| ARM Ampere A1 | VM.Standard.A1.Flex — 2 OCPU + 12GB RAM（2026-06-15 前係 4/24） | ✅ 主力（免費額度內最大配置） |
| x86 Micro | VM.Standard.E2.1.Micro — 1/8 OCPU + 1GB | ❌ 太細，僅適合測試 |
網絡 + SSH 金鑰
用預設 VCN/子網，勾選「Assign a public IPv4 address」。SSH 揀「Paste public keys」，貼上你嘅公鑰（本地未有就先產生）：
ssh-keygen -t rsa -b 4096 -C "your_email@example.com"
加大開機磁碟到 200GB 免費上限
Show advanced options → Boot volume → 自訂大小 → 輸入 200（GB）。預設得 50GB，遲下裝嘢先嚟擴充冇咁方便。
Create 並記低 Public IP
等狀態變「Running」，記低 Public IP（例如 130.123.45.67）。
3 連線 VM 與系統初始化
SSH 連線
ssh -i ~/.ssh/id_rsa ubuntu@<你的Public IP>
Ubuntu 預設用戶係 ubuntu；Oracle Linux 先係 opc。
更新系統
sudo apt update && sudo apt upgrade -y
裝基本工具 + 設時區
sudo apt install -y curl git wget nano vim ufw build-essential
sudo timedatectl set-timezone Asia/Hong_Kong
開 UFW 防火牆（第一層）
sudo ufw default deny incoming
sudo ufw default allow outgoing
sudo ufw allow ssh
sudo ufw allow 80/tcp
sudo ufw allow 443/tcp
sudo ufw enable
⚠️ 記住：Oracle 有兩層防火牆 — VM 入面嘅 UFW/iptables 之外，仲有 OCI VCN 嘅 Security List（第 10 節會講）。兩層都要開先通。
4 安裝 Hermes Agent
一鍵安裝
curl -fsSL https://raw.githubusercontent.com/NousResearch/hermes-agent/main/scripts/install.sh | bash
自動完成：安裝 uv → 建 Python 3.11 venv → 裝 100+ 依賴 → 裝 Node.js → 裝 cua-driver。
重新載入 + 驗證
source ~/.bashrc
hermes --version
出到版本號（例如 hermes 0.14.0）即成功。安裝路徑喺 ~/.local/bin/hermes，設定喺 ~/.hermes/。
⚠️ ARM 實測坑：HTTP/2 下載失敗。安裝腳本喺 Node.js 下載時可能報
curl: (92) HTTP/2 stream error。解法：
Ctrl+C 終止 → 手動用 HTTP/1.1 下載 ARM 版 Node.js：
curl --http1.1 -L "https://nodejs.org/dist/v22.11.0/node-v22.11.0-linux-arm64.tar.gz" -o /tmp/node.tar.gz
mkdir -p ~/.hermes/node
tar -xzf /tmp/node.tar.gz -C ~/.hermes/node --strip-components=1
rm /tmp/node.tar.gz
再重新執行安裝腳本，會跳過已下載嘅 Node.js。
5 初始化設定（setup 嚮導）
選項一覽
- 設定模式：Quick setup（快速）或 Custom setup（詳細）
- 終端後端：local backend
- 訊息平台：揀「Skip — set up later」，Telegram 之後單獨設（第 7-8 節）
完成
設定寫入 ~/.hermes/config.yaml，密鑰寫入 ~/.hermes/.env。
6 設定模型供應商與 API Key
Hermes 支援任意供應商。以下用 DeepSeek 做例（性價比高、無需海外支付）。
攞 DeepSeek API Key
platform.deepseek.com → 註冊/登入 → API Keys → 建立 Key（sk- 開頭）。新用戶有免費額度。
確認 config.yaml
nano ~/.hermes/config.yaml
provider: deepseek
model: deepseek-v4-pro
base_url: https://api.deepseek.com/v1
寫入 .env
DEEPSEEK_API_KEY=sk-你的deepseek密鑰
驗證連線
hermes chat
輸入「你好」收到回覆即成功，Ctrl+C 退出。
⚠️ 踩坑：DeepSeek Key 有兩種！用過 Claude Code + DeepSeek 嘅人可能攞錯 — 一個係 Claude Code 用嘅
ANTHROPIC_AUTH_TOKEN，一個係 DeepSeek 平台原生 Key，
兩者格式相同但值唔同。用平台原始 Key；報 401 就係 Key 錯。快速測試：
curl https://api.deepseek.com/v1/chat/completions \
-H "Authorization: Bearer sk-你的key" \
-H "Content-Type: application/json" \
-d '{"model":"deepseek-v4-pro","messages":[{"role":"user","content":"hi"}]}'
200 = 有效，401 = 無效。
7 安裝 Hermes Gateway（systemd 服務）
喺 Linux 伺服器上，Gateway 必須行 systemd 先做到：開機自啟、崩潰自動重啟、24/7 唔斷線、斷開 SSH 照跑。
安裝 Gateway
hermes gateway install
手動建立 systemd 服務檔 核心步驟
⚠️ 最易中嘅大坑：systemd 唔會讀 .env 檔！環境變數必須直接寫入服務檔，否則 Bot 會話「No messaging platforms enabled」。
sudo nano /etc/systemd/system/hermes-gateway.service
[Unit]
Description=Hermes Gateway Service
After=network.target
[Service]
Type=simple
User=ubuntu
WorkingDirectory=/home/ubuntu
ExecStart=/home/ubuntu/.local/bin/hermes gateway
Restart=always
RestartSec=10
Environment=PATH=/home/ubuntu/.local/bin:/usr/local/bin:/usr/bin:/bin
# 關鍵：systemd 唔讀 .env，環境變數要直接寫喺呢度！
Environment=DEEPSEEK_API_KEY=sk-你的deepseek密鑰
Environment=TELEGRAM_BOT_TOKEN=你的Bot Token
Environment=TELEGRAM_ALLOWED_USERS=你的Telegram數字ID
Environment=TELEGRAM_HOME_CHANNEL=你的Telegram數字ID
Environment=GATEWAY_ALLOW_ALL_USERS=true
[Install]
WantedBy=multi-user.target
修改重點：User / WorkingDirectory / ExecStart 按實際路徑改；五個 Environment= 全部要填真值。
啟動 + 開機自啟
sudo systemctl daemon-reload
sudo systemctl enable hermes-gateway
sudo systemctl start hermes-gateway
驗證 + 睇日誌
sudo systemctl status hermes-gateway
sudo journalctl -u hermes-gateway -f
狀態顯示 active (running)，日誌見到 ✓ telegram connected 即成功。
設日誌輪替（防磁碟爆）
sudo nano /etc/systemd/journald.conf
SystemMaxUse=200M
SystemKeepFree=500M
RuntimeMaxUse=100M
sudo systemctl restart systemd-journald
實測教訓（我哋部機）：改服務檔可以喺本地寫好先上傳 — sudo cp 入 /etc/systemd/system/ 再 daemon-reload 就得。另外 Bot 上 systemd 之前一定要 pkill 舊嘅 polling 進程，否則 Telegram 會報 409 Conflict（兩個 getUpdates 同時爭同一個 Bot）。最後 hermes git pull --rebase 更新完記得重啟服務。
8 接入 Telegram Bot
用 @BotFather 建 Bot
Telegram 搜尋 @BotFather → /newbot → 設名稱/用戶名 → 攞 Bot Token（格式 123456:ABC-DEF1234ghiJKL）。妥善保存，唔好洩漏。
攞你嘅 Telegram 數字 ID
搜尋 @userinfobot → /start → 攞數字 ID（例如 123456789）。
更新 systemd 服務檔
sudo nano /etc/systemd/system/hermes-gateway.service
Environment=TELEGRAM_BOT_TOKEN=123456:ABC-DEF1234ghiJKL
Environment=TELEGRAM_ALLOWED_USERS=123456789
Environment=TELEGRAM_HOME_CHANNEL=123456789
Environment=GATEWAY_ALLOW_ALL_USERS=true
sudo systemctl daemon-reload
sudo systemctl restart hermes-gateway
驗證
日誌見到 ✓ telegram connected，然後喺 Telegram 同你嘅 Bot 講嘢，有回覆即成。
故障排查口訣：Bot 冇反應 → ① sudo systemctl status hermes-gateway 係咪 running → ② 日誌 journalctl -u hermes-gateway -f → ③ 見到 No messaging platforms enabled = Token 冇讀到 → ④ 檢查服務檔 Environment → ⑤ daemon-reload + restart → ⑥ 再驗證。
9 設定中文回覆（SOUL.md）
編輯 SOUL.md
cp ~/.hermes/SOUL.md ~/.hermes/SOUL.md.backup
nano ~/.hermes/SOUL.md
喺頂部加入語言規則：
CRITICAL LANGUAGE RULE: You MUST reply in Chinese (繁體中文) at all times.
The user speaks Chinese. Never use English unless the user explicitly asks.
（可選）注入項目知識
SOUL.md 可以寫入身份、技能、項目結構、程式碼規範、常用命令 — 成為 Hermes 嘅「長期記憶」，每次對話都引用。
重啟生效
sudo systemctl restart hermes-gateway
改完 SOUL.md 必須重啟 Gateway 先生效。
10 防火牆與安全規則（兩層都要開）
Oracle VM 有兩層防火牆：OCI VCN 嘅 Security List（雲端層）+ 實例內嘅 UFW（系統層）。兩層都唔放行先會通。
▎10.1 OCI Security List（雲端層）
開入站規則
OCI Console → Networking → Virtual Cloud Networks → 揀 VCN → Subnets → Security Lists → 預設安全清單 → Add Ingress Rules：
| 來源類型 | 來源 CIDR | 連接埠 | 用途 |
|---|
| CIDR | 0.0.0.0/0 | 22 | SSH |
| CIDR | 0.0.0.0/0 | 80 | HTTP |
| CIDR | 0.0.0.0/0 | 443 | HTTPS |
若安裝 WebUI 仲要開對應連接埠（如 8787）。
▎10.2 實例防火牆（系統層）
sudo ufw status verbose
應見到 22 / 80 / 443 ALLOW IN。Oracle Linux 用戶如果 UFW 冇反應，可能要直接改 iptables。
⚠️ 實測教訓：OCI 嘅「NSG ≠ iptables」。如果喺 Console 開咗安全清單但仍然連唔到，唔好淨係喺 VM 入面查 iptables — 先確認 OCI 嗰層（Security List / NSG）有冇放行。兩層係獨立嘅，任何一層擋住都係失敗。仲有：443 好多時已經俾其他服務（例如 sing-box 代理）佔用，開 port 前先 ss -tlnp 睇下邊個喺度用緊。
11 常用指令速查表
| 指令 | 作用 |
|---|
hermes chat | 啟動終端對話模式 |
hermes --tui | 啟動 TUI 介面 |
hermes setup | 重新執行設定嚮導 |
hermes update | 更新 Hermes Agent（源碼版用 git pull --rebase） |
hermes gateway install / status / restart | Gateway 安裝 / 狀態 / 重啟 |
hermes cron list / status | 列出 / 查看排程任務 |
sudo systemctl status hermes-gateway | 查看服務狀態 |
sudo systemctl enable hermes-gateway | 開機自動啟動 |
sudo journalctl -u hermes-gateway -f | 即時睇服務日誌 |
tail -f ~/.hermes/logs/gateway.log | 即時睇 Hermes 日誌 |
df -h / free -h | 磁碟 / 記憶體使用 |
12 踩坑合集（全部親測）
Q：Bot 上 systemd 後報 409 Conflict？
原因：舊嘅 polling 進程仲喺度同 Gateway 爭同一個 Bot Token。
解決：起服務前先 pkill -f "hermes" 或直接 pkill -f polling，再 systemctl start hermes-gateway。
Q：Gateway 啟動咗但 Bot 完全冇反應？
原因：9 成係 systemd 冇讀到環境變數。日誌出現 No messaging platforms enabled 即係 Token 未載入。
解決：確認服務檔嘅 Environment= 五個變數全部填咗 → daemon-reload + restart → 再睇日誌。
Q：DeepSeek API 報 401 Authentication Fails？
原因：用錯 Key（Claude Code 嗰個）或者 Key 過期。
解決：用 curl 測 Key（見 §6）→ 去平台重建 → 更新服務檔 DEEPSEEK_API_KEY → daemon-reload + restart。
Q：SSH 連唔到／超時？
檢查順序：① OCI Security List 有冇開 22 → ② Public IP 啱唔啱 → ③ 金鑰權限 chmod 400 ~/.ssh/id_rsa → ④ 用戶名（Ubuntu 用 ubuntu）。
Q：記憶體不足（OOM）？
用 ARM 2 vCPU / 12GB 實例基本上唔會遇到。x86 micro 先要加 Swap：
sudo fallocate -l 4G /swapfile && sudo chmod 600 /swapfile && sudo mkswap /swapfile && sudo swapon /swapfile
再加入 /etc/fstab 永久生效。
Q：Oracle 會唔會回收我部機？
Oracle 會回收長期低活動嘅免費實例。Gateway 24/7 運行本身就係持續活動；想更穩陣可以加 keepalive：
crontab -e → 加入 */30 * * * * echo "keepalive $(date)" >> ~/keepalive.log
Q：更新完要重啟嗎？
apt upgrade 更新咗 kernel 之後要 sudo reboot 先生效；hermes git pull --rebase 更新源碼之後要 sudo systemctl restart hermes-gateway。
13 進階：Hermes WebUI（可選）
想用瀏覽器介面同 Agent 互動、唔使 SSH？裝 WebUI 就得。
克隆 + 設密碼
cd ~
git clone https://github.com/nesquena/hermes-webui.git hermes-webui
cd hermes-webui
echo "HERMES_WEBUI_PASSWORD=設置一個強密碼" > .env
建 systemd 服務
sudo nano /etc/systemd/system/hermes-webui.service
[Unit]
Description=Hermes WebUI
After=network.target
[Service]
Type=simple
User=ubuntu
WorkingDirectory=/home/ubuntu/hermes-webui
ExecStart=/home/ubuntu/hermes-webui/start.sh
Restart=always
RestartSec=5
[Install]
WantedBy=multi-user.target
啟動 + 訪問
sudo systemctl daemon-reload
sudo systemctl enable hermes-webui
sudo systemctl start hermes-webui
瀏覽器開 http://<Public IP>:8787，用 .env 密碼登入。記住 OCI Security List 要放行 8787。
（可選）Nginx 反代 + HTTPS
sudo apt install nginx certbot python3-certbot-nginx -y
sudo nano /etc/nginx/sites-available/hermes-webui
server {
listen 80;
server_name ai.yourdomain.com;
client_max_body_size 500M;
location / {
proxy_pass http://127.0.0.1:8787;
proxy_http_version 1.1;
proxy_set_header Host $host;
proxy_set_header X-Real-IP $remote_addr;
proxy_set_header X-Forwarded-For $proxy_add_x_forwarded_for;
proxy_set_header Upgrade $http_upgrade;
proxy_set_header Connection "upgrade";
}
}
sudo ln -s /etc/nginx/sites-available/hermes-webui /etc/nginx/sites-enabled/
sudo nginx -t && sudo systemctl restart nginx
sudo certbot --nginx -d ai.yourdomain.com
14 備份與維護建議
▎14.1 定期備份（最重要嘅檔案）
tar -czvf hermes-backup-$(date +%Y%m%d).tar.gz \
~/.hermes/config.yaml ~/.hermes/.env ~/.hermes/SOUL.md \
~/.hermes/logs/ /etc/systemd/system/hermes-gateway.service
# 拉返落本地
scp ubuntu@<Public IP>:~/hermes-backup-*.tar.gz ./
config.yaml（設定）、.env（密鑰）、SOUL.md（長期記憶）、systemd 服務檔 — 呢四樣加埋就係成部機嘅「靈魂」，冇咗佢哋等於由頭嚟過。
▎14.2 維護節奏
| 頻率 | 做咩 |
|---|
| 每週 | sudo apt update && sudo apt upgrade -y + sudo apt autoremove -y |
| 每月 | sudo journalctl --vacuum-time=30d；df -h / free -h 檢查 |
| 每 3-6 個月 | rotation API Key、檢查 Drive/遠端備份完整性 |
▎14.3 安全建議
- 定期更新系統套件；kernel 更新後
sudo reboot
- 唔好用 root 行 Hermes（用 ubuntu 用戶）
- 限制
TELEGRAM_ALLOWED_USERS，防未授權使用
- 裝 fail2ban 防暴力破解：
sudo apt install fail2ban -y
- 定期檢查 API 用量，避免意外超支
15 ⚠️ 2026-06-15：Oracle 免費額度靜靜雞減半
2026-06-15 Oracle 冇公告、冇電郵，靜靜雞改文件將 Always Free ARM 額度減半：4 OCPU / 24GB → 2 OCPU / 12GB（每月上限 3,000 OCPU-hrs + 18,000 GB-hrs → 1,500 + 9,000）。外送流量維持 10TB/月（未變）。
| 配置（長開一個月） | 消耗 | 新額度 1,500 + 9,000 |
|---|
| 4 OCPU / 24GB（舊） | 2,920 OCPU-hrs + 17,520 GB-hrs | ❌ 超額成倍 |
| 2 OCPU / 12GB（新） | 1,460 OCPU-hrs + 8,760 GB-hrs | ✅ 啱啱好 |
▎純免費 vs PAYG 命運唔同
- 純免費戶：超額 → 隨時被強制停機（縮到 2/12 先安全）
- PAYG：✅ 官方客服書面確認（2026-08-03）——唔受影響，現有 4 OCPU/24GB 照用，唔使縮細、唔會被收費、冇限期
⚠️ 唯一風險（官方有提）：實例正常停止 → 可以再啟動；但若被終止（terminate），重建同配置要視乎大阪區當時 ARM 容量。保險已就緒：OCI boot volume backup + Drive 異地備份。
▎官方政策原文（關鍵段落）
來源：docs.oracle.com — Always Free Resources
"All tenancies get the first 1,500 OCPU hours and 9,000 GB hours per month for free for VM instances using the VM."
"you can create one or two OCI Ampere A1 Compute instances, 2 OCPUs total."
▎官方客服回覆原文（2026-08-03，PAYG 帳戶查詢）
"Thank you for providing the details. Since your tenancy is a Pay As You Go (PAYG) account, you do not need to worry about the recent Always Free Ampere A1 resource limit update. Your existing 4 OCPU / 24 GB A1 instance does not need to be resized as a result of this policy change. You will not be billed for your existing 4 OCPU / 24 GB A1 instance solely because of the Always Free limit update. The reduction to 2 OCPUs / 12 GB RAM applies only to Always Free tenancies, not to PAYG accounts. There is no deadline requiring PAYG customers to resize existing A1 instances because of this change. If your instance is stopped, you can start it again normally. However, if it is terminated, the ability to recreate an instance with the same configuration depends on current capacity availability in your selected region. The reduction in the Always Free Ampere A1 allocation applies only to Always Free tenancies. PAYG and other paid tenancy types are not affected by this specific policy change. Based on the information available, your existing 4 OCPU / 24 GB A1 instance on your PAYG tenancy will continue to operate under the terms applicable to your paid account and will not incur charges solely because of this Always Free policy update."
▎社群共識（2026-07）
- Reddit r/selfhosted PSA（1.5K upvotes）：「6 月 15 日前 resize 避免被收費」
- 執行唔一致：唔少帳戶仲跑緊 4/24 冇事；官方 price list 甚至仲寫住 3K/18K 免費
- ⚠️ 最大風險：ARM 容量緊張（V2EX 大量「容量不足」報告）——實例一旦終止，隨時連 2/12 都開唔返
▎保險三寶（親測）
- OCI Boot Volume Backup：Console → 運算 → 實例 → 開機磁碟區 → 建立備份（雲端整機還原，~10 分鐘 Available）
- Drive 異地備份：配置 tar.gz（~/.hermes、nginx、systemd、crontab）每日自動 → Google Drive（見 §14）
- 唔好亂停機：grandfather 期間一旦終止，可能永遠開唔返
▎替代方案（萬一 Oracle 玩完）
| 需要 | 方案 | 成本 |
|---|
| 日本 IP + 最平 | 保留 Oracle 2/12 | $0 |
| 日本 IP 付費 | Contabo 大阪 4vCPU/8GB ｜ Vultr Tokyo 1-2GB | ~€7/月 ｜ $5-6/月 |
| 唔使日本 IP | RackNerd 1GB ｜ GCP e2-micro | ~$1/月 ｜ $0 |
| GFW 用途 | VLESS/REALITY（任何 VPS 都行）+ CF Worker 後備 | $0 起 |
💡 GFW 提示：Oracle/Contabo datacenter IP 用耐咗容易被 GFW 封，REALITY 可頂主動探測；CF Worker（edgetunnel）係免費後備線。
附 附錄：檔案路徑 + 資源限制 + 完成清單
▎檔案路徑總覽
| 路徑 | 說明 |
|---|
~/.local/bin/hermes | Hermes 主程式 |
~/.hermes/config.yaml | 主設定檔 |
~/.hermes/.env | 環境變數 / 密鑰 |
~/.hermes/SOUL.md | 系統提示詞（長期記憶） |
~/.hermes/logs/gateway.log | Gateway 日誌 |
/etc/systemd/system/hermes-gateway.service | Gateway systemd 服務檔 |
▎OCI Always Free 資源上限
| 資源 | 限制 |
|---|
| ARM Ampere A1 實例 | 2 OCPU + 12GB RAM（2026-06-15 減半；舊帳戶可續跑 4/24 直至實例終止） |
| x86 AMD 實例 | 最多 2 個 E2.1.Micro（各 1/8 OCPU + 1GB） |
| 開機磁碟總容量 | 200GB（所有實例共享） |
| 公有 IPv4 | 最多 6 個 |
| 網路頻寬 | 每 vCPU 1 Gbps |
▎部署完成清單
| ✅ | 檢查項 |
|---|
| □ | VM 已建立（ARM 2 OCPU / 12GB）並 SSH 連到 |
| □ | hermes --version 有輸出 |
| □ | DeepSeek API Key 有效（curl 200） |
| □ | systemd 服務 active + enabled，日誌見 ✓ telegram connected |
| □ | Telegram 實測有回覆 |
| □ | SOUL.md 已設繁中回覆 |
| □ | OCI Security List + UFW 兩層防火牆已開 |
| □ | 備份策略已建立（tar.gz + 拉返本地） |